為人師表，咪就係要咁囉﹗
愛若讓你變得不快樂，我寧願還給你自由...
初初接觸到葉志偉這個名字，是在<<都市日報>>中刊登的專欄<<香江人語>>，講的是人們講得最多最悶最煩嘅愛情...車﹗張小嫻、亦舒、李牧童、wasabi一個二個都寫d情情塔塔嘅野，葉志偉又有咩咁特別喎﹗葉志偉本身係一位同性戀者，係情場上打滾多年，屢敗屢戰，以自己蒲嘅經歷分享一下自己對愛情嘅睇法，唔會有什麼美麗的愛情童話，唔會有轟轟烈烈嘅愛情故事，只有愛情最現實的一面。讀他的文章，你就會愛上林憶蓮的歌，你就會了解到同性戀的愛情世界，或許你會了解到愛情最現實殘酷的一面~
p.s. 順便幫佢賣賣廣告，葉志偉第一本散文集<<係命o黎嘅>>已經面世﹗
葉志偉私網站﹕ http://www.yezhiwei.com.hk/
都市日報最近五期連載﹕
7/8 http://www.metrohk.com.hk/news.php?startDate=07082007&newscat=21&newsid=48886
24/7 http://www.metrohk.com.hk/news.php?startDate=24072007&newscat=21&newsid=47503
10/7 http://www.metrohk.com.hk/news.php?startDate=10072007&newscat=21&newsid=46338
26/6 http://www.metrohk.com.hk/news.php?startDate=26062007&newscat=21&newsid=45288
5/6 http://www.metrohk.com.hk/news.php?startDate=05062007&newscat=21
今個學年，到目前為止，共有17位同事離開，走的原因，有些是退休，有些是為了尊嚴，有些是為了不想變成下一個批鬥對象，有些是被屈的，有些是做得不開心...教師的工作很特別，絕少人是為了別處有升職發財的機會，就算你走，人工也是一樣，要走的都是因為做得不如意離開傷心地。在這間學校做了3年，雖然每年總有些人士變動，但今年是最多人辭職離去的，其實大部分同事都很易相處，你班中有個小魔頭搗亂，就請佢過黎我班房等我來會一會佢，你不懂得的，大家都主動願意去教你，大家做事都不計較，互相照顧，仿如一個大家庭。在學期尾，同事間離去的消息慢慢傳出，有人為同事的離去而喊，充滿著傷感的工作情緒，其實我是絕對尊重同事的離去決定，身在地獄的我當然希望別人有機會找到個天堂，要遺憾的，就是本人沒有機會對你們說一聲"多謝指教﹗"你們在我心目中都是我學習怎樣做一個老師的模範榜樣，有些是你們直接教我的，有些是一起工作共處時偷師得來的，希望你們到別處時能有教無累，繼續在這個今日唔知聽日事的教育界苟且偷生﹗good luck﹗
7月夏日炎炎，又係放暑假嘅日子，苟且偷生在教育界的人當然最happy，成大半年辛勞都係為咗呢個暑假，又可以游水曬太陽去旅行食雪條瞓到黃朝百晏......話雖如此，其實每年的7月都令我感觸良多，何解呢﹖難道係放假前恐懼症﹗﹖錯晒錯晒...天生sentimental的我，7月又係時候要對自己任教的班說再見，對了三絲仔仔女女雖然只得7個月時間(因小弟上學期長期都在養傷)，7個月每天由8點對到3點半，時間仲多過我見我阿娘。雖然而家個個依然乳臭未乾，個個毛仍然未出齊，但細看他們，他們都長大了，起碼一入門口識自動自覺向我請安(即係同我講早晨)，係我手上攞野時一定要講唔該老師(如果唔係我係唔會放手的)，食飯時要向全班講"老師食飯，同學食飯"後先可以開飯盒(如果不幸打開咗個飯係會被罰遲5分鐘先有得開餐)，做錯事一定要認一定要道歉(唔肯認我會係1分鐘內鬧到佢地哭成淚人)，我講野時必須全班肅立眼睛望我(唔望我會被我怒目相向)......聽日你地就離開我了，最近如果我無端端上堂眼甘甘咁望住你地，希望你唔好怪老師，我都係想望多你地一眼，睇清楚下你地個樣。這一年裡，你地喊到鼻紅紅時我為你遞上temple，你地唔記得買飯時我拿出廿雞叫你買個飯加罐雀檸，你地悶時我搞個爛gag搞搞氣氛，天氣熱時我預先為你地開定冷氣，你地心情唔好時我聽你對世俗的投訴......三絲子民，希望如果你地有良心的話，記得曾經有個高佬阿sir係你小學生涯裡面日日晨早溜溜大大聲同你講過一句"早晨呀呀呀...﹗"
昇，祝你係澳洲讀書一切順利﹗跑嬴晒d澳洲鬼﹗
做兄弟嘅，有今生無來世，等你返黎呀﹗
本來去老師個newsgroup睇下有無加人工d新消息，無意間睇到呢段片，睇完我第一時間想大巴大巴咁車爆個學生個嘴，再搵埋佢老豆老母返睇呢段片十萬次，問下佢地點解個仔會咁...newsgroup有同工都覺得佢第一時間應該搵訓導主任搵校長處理，有人話唔好理佢，又有人話應該多d關心下佢，終有一日佢會明......你話搵得個訓導黎，個訓導可能上緊第二堂，又麻煩人地，成堂唔使上，又要不斷同佢訓話講道理講做人見家長迫佢道歉寫悔過書等等，另外搞大件事，個死o靚仔咪又更加憎你，下一次再寸多你一獲，或者再搵方法玩死你﹔你話搵阿校長大人黎，咪等佢有機會插你，"阿miss chan呀，點解你教d學生咁嘅﹖你話唔好理佢，佢咪再玩得再過份d係都要你發惡為止佢地先開心。你話關心下佢，佢咪又叫你收皮食屎啦，問你講完未﹖唔好阻撚鳩住晒啦，你同佢家長講(如果你咁好彩搵到佢地嘅話)，佢地咪話"我都無佢辦法......"以小弟嘅愚見，都係俾三草野佢落去買包綠luck請同學食最好最有效，或者叫佢出去去個廁所索下k打下炮再返黎瞓覺啦﹗
羅范辭職被指干預學術自由 (明報) 06月 20日 星期三 09:00PM
教院風波調查委員會的報告指前教統局常任秘書長羅范椒芬不當干預教院兩名職員的學術自由，她在下午辭職。
特首曾蔭權表示，羅太下午堅決辭職，雖曾挽留，但未成功，對此感到難過，他表示對羅太的誠信絕不懷疑。
羅太則發表公開信，否認干預學術自由，表明下月一日離職，並說不是倉卒的決定，是為了維護公務員在推行政策和履行職務的尊嚴。
教育學院風波經過4個月聆訊，調查委員會今日呈交報告給特首。報告指出，第一項指控不成立，即2004年1月，教院校長莫禮時與教育統籌局局長李國章通電話，後者試圖說服莫禮時主動向香港中文大學提出合併。教統局局長表示，若莫禮時不這樣做，他會放手讓當時在任的教統局常任秘書長隨意削減教院的學生名額。
報告指出，第二項有關羅太的指控部分成立，有關教院前講師葉建源及教院研究與發展中心教授鄭燕祥的部分局部成立，但有關教院政策行政學系主任黃炳文及教院策略及學務規劃處長黎國燦的部分則不成立。有關指控稱在即幾年來，每當有教院的同事在本地報章發表文章，批評政府的教育改革或教育政策及施政事宜，隨後即屢有高官來電，要求教授解僱該等教院同事。
報告指，羅范椒芬曾在某些時候向莫禮時投訴葉及鄭，即使是出於善意，也屬不當，而且對葉和鄭的學術自由構成不當的干預。
第三項指控亦不成立，即李國章曾說：「I'll remember this. You will pay! (我會記著，慢慢跟你算帳)」。
報告稱，沒有足夠證據顯示教統局局長或其他政府人員曾對教院的院校自主作出任何不當的干預。
委員會最後建議設立一個獨立於政府的委員會（ 可以是教統會的一部份或獨立的委員會），成員只包括高等院校信任和尊重的人士，由教資會協調， 目的如下︰
(1) 就關於各師資培訓院校的政策與發展計劃向政府提供意見；
(2) 在教統局與師資培訓院校僵持不下時解決兩者的爭端； 以及
(3) 聆訊師資培訓院校就教資會撥款安排提出的上訴。
報告的結論指出，證人全都是受過高等教育的人士，在社會上擔當重要職位。但是，他們的證供有重大出入，而這相信並非完全因為誤會、出錯及善忘所致。事發經過及談話內容有多個不同版本，令人懷疑所有實情是否已向委員會說出。
子揚﹕喂，今日黎咗批新貨。
andy哥﹕咩貨先﹖
子揚﹕緊係A貨啦﹗
andy哥﹕你唔好老吹喎﹗
子揚﹕超﹗我子揚出咗名貨多平靚正，我老點你就一世無運行﹗
andy哥﹕侵唔侵我玩先﹖
子揚﹕andy哥叫到，我幾時有託你手踭，大家一齊返學，都係求開心啫，你話係咪先﹖
andy哥﹕都係子揚哥夠雷，一於有野大家一齊玩，飲杯先﹗
子揚﹕好﹗飲晒杯益力多佢﹗
在場嘅臥底班長已混入班房一年多，三絲總警司秦探長眼見市面上充斥著太多高達磁貼，係回歸10周年期間，誓要進行火鳳凰行動，公開表明三絲政府會全力打擊所有持有高達磁貼嘅學生，正所謂要打首先要打就惡o個個，第一個要剷除就係呢期最"出位"嘅子揚，秦探長親自指揮，即場檢獲大量高達磁貼，並係食物袋及其身上起出價值數十元嘅存貨，據情報科同事透露，呢批貨將分銷在各班堂口，估計盈利達200%。
子揚於清晨時份8時25分於班房被補，被補時並無作出無謂反抗，暫時准以背熟默書範圍作擔保，等候進一步調查......
子揚﹕邊個二五仔出賣我﹗﹖係咪你出賣我﹗﹖
andy哥﹕唔係我呀﹗
子揚﹕係咪你出賣我﹗﹖
peter仔﹕都唔係我呀﹖
子揚﹕係咪你出賣我﹗﹗﹗﹗﹗﹗
子揚一朝間損失成幾十蚊貨，天生充滿怒氣嘅子揚誓要查出篤佢背脊嘅人係邊個，不斷歇斯底里地追查二五仔元兇，睇黎江湖一場腥風血雨一定在所難免......子揚在班房內進行一連串極具騷擾性活動，其煩擾程度再次引起秦探長嘅關注......
秦探長﹕夠啦﹗你問夠未呀﹖你好煩呀﹗
子揚﹕......
秦探長﹕你要知邊過講俾我知嘛，好，我話你知﹗係你個幾位好朋友andy、peter、tom話我知你今日會帶高達磁貼返黎，你而家知道啦，咁你而家又想點呀﹖如果你再成日諗住d高達磁貼，我就打電話叫婆婆攞晒屋企d高達磁貼返黎俾我，全班聽住，如果子揚仲成日講起d咩高達磁貼，即刻話俾我知﹗
子揚﹕......
再一次證明獨裁統治嘅重要性，打壓異見人士，剝奪基本嘅言論自由，分化兄弟之間嘅感情，不過秦探長過埋呢個7月就退位讓賢，大家請忍受多一陣，光明始終有天會重現的。
